2021年嘅香港，就好似青梅竹馬嘅前女友

今日嘅香港已經唔再熟識，感覺就好似啱啱同青梅竹馬嘅女朋友分手。呢個係一個失戀嘅感覺，你以為可以挽回，但對方已經唔同咗。

改變唔係一夜之間發生，有經年累月嘅問題無解決，有分手前嘅激烈衝突，再加上外來因素，“冷靜期間”原來對方已經下定決心投入別人懷抱。

長年嘅回憶，熟識嘅人同事，一次又一次提醒。想去接受事實，但又抵唔住一絲回到過去嘅盼望，只有一次又一次見到你響人懷抱入面，出現響曾經熟識、屬於我哋嘅地方，呢個就係青梅竹馬嘅詛咒。

失戀，有D人可以過度去新嘅戀情，有D人會抱住回憶痛苦過日子，點選擇係最少可以保有嘅自由，但回不過去係嘅定嘅事實。